បន្ទាប់ពីបង្ហាញមុខរថយន្ដម៉ូដែល ពេញនិយមរបស់ខ្លួនរួមមាន CR-V និង Civic ២០២៣​ ក្នុងទីផ្សារ កាលពីពេលថ្មីៗនេះ ក្រុមហ៊ុនផលិតរថយន្ដជប៉ុន Honda បានប្រកាសចេញ Honda Civic និង Honda CR-V ២០២៣​ មួយប្រភេទទៀត ឬហៅថា trim LX មានតម្លៃទាបជាងម៉ូដែលធម្មតា ដើម្បីតាមឲ្យទាន់តម្រូវការរបស់អតិថិជន។ 

តាមការឲ្យដឹងពី Jalopnik ថា សម្រាប់ Honda CR-V ២០២៣​ ធម្មតា ឬ EX មានតម្លៃចាប់ផ្ដើមពី ៣១ ៦១០ ដុល្លារ តែសម្រាប់ ប្រភេទថ្មី CR-V LX ២០២៣​ នឹងត្រូវបញ្ចុះតម្លៃខ្ទង់ពី ៣០០០ ដុល្លារទៅ ដែលមានន័យថា តម្លៃខ្លាញ់គោគឺ ចាប់ផ្ដើមពីក្រោម ៣ មុឺនដុល្លារ។

សម្រាប់បរិក្ខារ ប្រើប្រាស់ផ្សេងៗ EX និង​ LX ក្រោយនេះ មានលក្ខណៈខុសគ្នាបន្ដិចបន្ដួច ដូចជា EX មានចង្កូតទំហំ ១៨ អិង ឯ LX មាន ១៧ អិង​, EX ស៊ីរេកៅអីដោយប្រើថាមពល LX ស៊ីរេ ដៃ ជាដើម ក៏ប៉ុន្ដែ ម៉ូដែលទាំងពីរ មានភ្ជាប់ប្រព័ន្ធ HondaSensing និងបំពាក់ម៉ាស៊ីន turbocharged ១.៥ លីត្រ ៤ ស៊ីឡាំង កម្លាំង ១៩០ សេះ ដូចគ្នា ផ្គួបជាមួយប្រអប់លេខ CVT។ 

ចំណែកឯ Civic LX ២០២៣​ វិញ តាមការឲ្យដឹងពី Car and Driver ថាត្រូវបានបញ្ចុះ ខ្ទង់ ១៤០០ ដុល្លារ ដែលតម្លៃនៅសល់ចាប់ផ្ដើមពី ២៤ ៥៤៥ ដុល្លារ សម្រាប់​ Civic LX sedan និង ២៥ ៥៤៥ ដុល្លារ​ សម្រាប់ hatchback ក្នុងនោះ វាភ្ជាប់មកជាមួយម៉ាស៊ីន ២.០ លីត្រ ៤ ស៊ីឡាំង កម្លាំង ១៥៨ សេះ និងប្រអប់លេខ CVT។ 

សម្រាប់ការកម្មង់ទិញ Honda នឹងដាក់ ប្រភេទថ្មីនេះ ចូលទៅក្នុងវេបសាយផ្លូវការរបស់ខ្លួនក្នុងពេលឆាប់ៗនេះ។

អត្ថបទ៖ Andra